آپ کے اینڈرائیڈ فون پر واٹس ایپ مختلف کیوں نظر آ رہا ہے؟

اگر آپ اینڈرائیڈ کے صارف ہیں تو واٹس ایپ آپ کو نمایاں حد تک تبدیل نظر آ رہا ہوگا، دراصل میٹا نے اسے تبدیل کر دیا ہے۔

خبر ہے کہ گزشتہ کچھ عرصے سے واٹس ایپ کے یوزر انٹرفیس کی تبدیلی پر کام ہو رہا تھا، جو آخر کار اب صارفین کے سیل فونز پر دستیاب ہو گیا ہے۔

کمپنی کی جانب سے اس تبدیلی کے بعد اینڈرائیڈ ڈیوائسز میں واٹس ایپ کا ڈیزائن نمایاں حد تک بدل گیا ہے، اس نئے ڈیزائن میں اوپر موجود چیٹس، کمیونٹیز، اسٹیٹس اور کالز کے ٹیب نیچے منتقل کر دیے گئے ہیں۔

واٹس ایپ ہوم فیڈ کے اوپر اب آپ کو سبز رنگ کی جگہ سفید نظر آ رہا ہوگا، اسٹیٹس ٹیب کا نام تبدیل کر کے اپ ڈیٹ کر دیا گیا ہے، اگر آپ ڈارک موڈ یوز کرتے ہیں تو اس کے لیے گرین کلر تھیم کا اضافہ کیا گیا ہے۔

چیٹ ببل کے رنگوں اور فلوٹنگ ایکشن بٹن کو بھی تبدیل کیا جا رہا ہے، اور ایک نئی تبدیلی یہ ہے کہ اب ٹیبز کو دائیں بائیں سوائپ کر کے بھی اوپن کیا جا سکتا ہے۔