’آپ کو کاپی کرنے کی کوشش کرتے ہیں‘ منیب بٹ کی منوج باچپائی سے ملاقات کی ویڈیو وائرل
پاکستان کے اداکار منیب بٹ کی بھارتی فلم ساز و اداکار منوج باجپائی سے دبئی میں ہونے والی ملاقات کی ویڈیو وائرل ہوگئی۔ پاکستانی اداکار منیب بٹ نے فوٹو اینڈ شیئرنگ ایپ انسٹاگرام پر ایک ویڈیو شیئر کی ہے جس میں انہیں بالی ووڈ کے اداکار منوج باجپائی کے ہمراہ ایک اسیٹیج پر دیکھا جاسکتا […]
پاکستان کے اداکار منیب بٹ کی بھارتی فلم ساز و اداکار منوج باجپائی سے دبئی میں ہونے والی ملاقات کی ویڈیو وائرل ہوگئی۔
پاکستانی اداکار منیب بٹ نے فوٹو اینڈ شیئرنگ ایپ انسٹاگرام پر ایک ویڈیو شیئر کی ہے جس میں انہیں بالی ووڈ کے اداکار منوج باجپائی کے ہمراہ ایک اسیٹیج پر دیکھا جاسکتا ہے۔
میڈیا رپورٹس کے مطابق مقبول اداکار منیب بٹ کی بھارتی فلم ساز و اداکار منوج باجپائی سے یہ ملاقات متحدہ عرب امارات (یو اے ای) کی ریاست دبئی میں ہوئی جسے صارفین کی جانب سے خوب پسند کیا جارہا ہے۔
ویڈیو میں دیکھا جاسکتا ہے کہ منیب بٹ نے اسٹیج پر جاکر سب کے سامنے بھارتی اداکار منوج باجپائی کی تعریفیں کیں اور انہیں لیجنڈ اداکار قرار دیا۔
منیب بٹ نے کہا کہ’ میں آپ کا بہت بڑا فین ہوں، جب بھی کسی ڈرامے میں منفرد کردار ادا کرتا ہوں تو پہلے آپ کے کسی کردار کو دیکھتا ہوں اور پھر آپ کے اسی کردار کو کاپی کرنے کی کوشش کرتا ہوں۔
پاکستانی اداکار نے منفرد اداکاری پر بھارتی اداکار کی تعریفیں بھی کیں اور ساتھ ہی ان کا شکریہ بھی ادا کیا کہ وہ منفرد کردار ادا کرکے دوسروں کے لیے مشعل راہ بنتے ہیں۔
اس موقع پر تقریب کے شرکا کی جانب سے منوج باجپائی سے فرمائش کی گئی کہ اپنی کسی فلم کا ڈائیلاگ بول کر دکھائیں، اداکار نے اپنی مقبول ترین فلم ’گینگ آف واسے پور‘ کا ڈائیلاگ ’حضرات حضرات‘ بول کر سنایا۔
اِس دوران منیب بٹ نے بھی منوج باجپائی کے ساتھ اُن کی فلم کا ڈائیلاگ دہرایا۔
آپ کا ردعمل کیا ہے؟
