آئس کریم کھانا مضر صحت ہے یا مفید؟ ماہرین کا اہم انکشاف

عام طور پر والدین بچوں کو آئس کریم کھانے سے منع کرتے ہیں کیونکہ ان کو اس بات کا ڈر ہوتا ہے کہ کہیں بچوں کے گلے خراب یا نزلہ زکام کھانسی نہ ہوجائے، لیکن اب فکر کرنے کی ضرورت نہیں۔

اس حوالے سے ماہرین صحت کا کہنا ہے کہ اب آپ بے فکر ہوکر آئس کریم کھا سکتے ہیں، کیونکہ یہ اتنی نقصان دہ نہیں جتنی کہ توقع کی جاتی ہے۔

کیا آپ جانتے ہیں کہ آئس کریم ہماری صحت پر کیسے اثر انداز ہوتی ہے؟ اس کے مختلف فائدے اور نقصانات ہیں جن پر ہم یہاں تفصیل سے بات کریں گے۔

غذائی ماہرین کے مطابق آئس کریم کے چند پوشیدہ فوائد بھی ہیں جن سے بیشتر افراد لاعلم ہیں، آئس کریم، کیلشیم، میگنیشیم، بی 12 وٹامنز اور پروٹین جو کہ خون میں شکر کے استحکام کے لیے ضروری ہے، کو بڑھاتی ہے۔

ہڈیوں کو مضبوط کرتی ہے

چونکہ آئس کریم دودھ سے بنتی ہے اس لیے اس میں کیلشیم کی مقدار زیادہ ہوتی ہے جو آپ کی ہڈیوں کو صحت مند اور مضبوط بناتی ہے۔ اگر آپ کے بچے دودھ پینا پسند نہیں کرتے تو آپ انہیں آئس کریم دے سکتے ہیں تاکہ ان کی کیلشیم کی ضروریات پوری ہوں۔ تاہم آئس کریم کا استعمال اعتدال میں کرنا چاہیے۔

وٹامنز اور معدنیات سے بھرپور ہے

آپ آئس کریم کھاتے ہیں تو آپ کے جسم کو وٹامن ڈی، وٹامن اے، کیلشیم، فاسفورس اور رائبو فلاوین حاصل ہوتی ہیں۔ اس کے علاوہ مختلف ذائقے اس میں اضافی غذائیت کا اضافہ کرتے ہیں۔

مثال کے طور پر، ڈارک چاکلیٹ آئس کریم اینٹی آکسیڈنٹس اور فلیوونائڈز سے بھری ہوئی ہے، جو آپ کے خراب کولیسٹرول کو کم کرنے میں مدد کرتی ہے اور آپ کے دل کی صحت کو بہتر بنانے میں مدد کرتی ہے۔

کینسر کا خطرہ کم کرتی ہے

آئس کریم دودھ سے بنائی جاتی ہے اور دودھ توانائی کا ایک اہم اور بھرپور ذریعہ ہے جو کینسر سے لڑنے کے لیے قوت مدافعت کو بڑھاتا ہے۔ آئس کریم میں موجود کیلشیم کی مقدار بڑی آنت کے کینسر کے خطرے کو کم کرنے میں بھی فائدہ مند ہے۔

قوت مدافعت کو بڑھانے میں مدد کرتی ہے

نہیں، یہ کوئی عجیب بات نہیں ہے کیونکہ آئس کریم درحقیقت آپ کی صحت کے لیے ایسا کر سکتی ہے۔ آئس کریم ایک قسم کا خمیر شدہ کھانا ہے اور کہا جاتا ہے کہ خمیر شدہ کھانا ہماری سانس اور معدے کی صحت کے لیے فائدہ مند ہے۔ اگر آپ کا نظام تنفس بہتر ہے اور آنتوں کی صحت بہتر ہے تو یہ بالآخر آپ کی قوت مدافعت کو بہتر بنائے گا۔

موڈ بہتر کرتی ہے

آئس کریم کھانا حقیقت میں آپ کو خوش کرسکتا ہے، اس کی ایک سائنسی وضاحت ہے، جب آپ آئس کریم کھاتے ہیں تو آپ کا جسم ایک ہارمون پیدا کرتا ہے جسے سیروٹونن کہتے ہیں۔ سیروٹونن آپ کو خوشی محسوس کرواتا ہے۔

آئس کریم کے نقصانات

موٹاپے کا سبب بن سکتی ہے

تمام ڈیری مصنوعات کی طرح، آئس کریم میں فیٹ زیادہ ہوتی ہے۔ لہٰذا اگر اسے باقاعدگی سے کھایا جائے تو یہ موٹاپے کا باعث بن سکتی ہے۔

ہضم کرنا مشکل ہے

جسم آئس کریم کو آہستہ آہستہ ہضم کرتا ہے کیونکہ اس میں فیٹ زیادہ ہے یہ پیٹ کے مسائل جیسے گیس اور بدہضمی کا سبب بھی سکتی ہے کیونکہ اس میں لییکٹوز کی مقدار بھی زیادہ ہوتی ہے۔

ذیابیطس کا خطرہ بڑھ سکتا ہے

آئس کریم باقاعدگی سے کھانے سے آپ کا وزن زیادہ ہو سکتا ہے اور اس سے ٹائپ 2 ذیابیطس جیسے حالات کا خطرہ بڑھ سکتا ہے۔

دانتوں کے لیے نقصان دہ ہے

آئس کریم چینی سے بھرپور ہوتی ہے جو دانتوں کو نقصان پہنچاتی ہے اور کیڑا لگنے، دانتوں کی خرابی اور مسوڑھوں سے متعلق مسائل کا باعث بنتی ہے۔