1.5 ٹن یا 1 ٹن اے سی کو چلانے کے لیے کتنے سولر پینلز چاہئیں؟

گرمی میں اے سی زیادہ چلائیں تو بل بہت آتا ہے، تاہم اگر سولر پینلز کا استعمال کیا جائے تو یہ آپ کو بجلی کے بل میں کافی بچت فراہم کرسکتا ہے۔

جھلسا دینے والی گرمی میں آج کر اکثر متوسط طبقے کے گھرانے بھی اے سی کا استعمال کرر رہے ہیں، تاہم اگر آپ تھوڑی سی سوجھ بوجھ بروئے کار لائیں تو سولر انرجی سسٹم لگا کر اپنے پیسوں کی بچت کرتے ہوئے بجلی کے زیادہ بلوں سے چھٹکارا حاصل کر سکتے ہیں

پاکستان میں زیادہ تر 1.5 ٹن اور 1 ٹن کے اے سی استعمال ہوتے ہیں لیکن بجلی بے تحاشہ مہنگی ہونے سے لوگ صحیح طریقے سے اے سی استعمال نہیں کرپاتے، تاہم سولر سسٹم لگا کر آپ زیادہ سے زیادہ اپنے گھر میں لگے اے سے استفادہ حاصل کرسکتے ہیں اور بجلی کے بلوں میں بچت کرسکتے ہیں۔

ایئر کنڈیشنر کے لیے سولر سیٹ اپ لگانے کے سلسلے میں آپ کو سولر پینلز، اس کا اسٹرکچر، انورٹر، تار اور چھوٹی موٹی کچھ دیگر اشیا خریدنا ہونگی، آپ کو 1.5 ٹن اور 1 ٹن اے سے کے لیے کتنی پلیٹس درکار ہیں وہ درج ذیل ہے۔

1.5 ٹن اے سی کے لیے کتنے سولر پینلز ہونے چاہئیں
اگر آپ کے گھر میں 1.5 ٹن کا اے سی لگا ہے تو پھر یہ تقریباً 1.5 سے 2.0 کلو واٹ فی گھنٹہ بجلی لے سکتا ہے، سولر پینل مقامی مارکیٹ میں مختلف واٹس میں دستیاب ہیں۔

اگر آپ 500 واٹ کے پینل خرید رہے ہیں، تو پاکستان میں 1.5 ٹن اے سی چلانے کے لیے آپ کو 6 سے 7 پلیٹیں درکار ہونگی، اگر آپ نے 585 واٹ کے سولر پینلز کا انتخاب کیا ہے تو پھر آپ 5 سے 6 سولر پلیٹس میں باآسانی 1.5 ٹن اے سی چلاسکتے ہیں۔

1 ٹن اے سی کے لیے کتنے سولر پینلز ہونے چاہئیں
اگر آپ کے گھر میں 1 ٹن اے سی لگا ہے تو اسے سولر کے ذریعے چالنے کے لے آپ کو 3 سے 4 سولر پینل پلیٹیں خریدنا ہونگی، اس کے ذریعے آپ آرام سے 1 ٹن کا ایئرکنڈشنر چلاسکیں گے۔

خیال رہے کہ شمسی توانائی جسے قابل تجدید توانائی بھی کہا جاتا ہے، صارفین کو اپنی بجلی خود پیدا کرنے کا اختیار دیتا ہے، اور نیٹ میٹرنگ کے ذریعے اس اضافی بجلی کو نیشنل گرڈ کو بھی بیچاجا سکتا ہے۔