’کترینہ کیف کی وجہ سے۔۔۔‘ زرین خان کا باڈی شیمنگ کا سامنا کرنے کا انکشاف

بالی ووڈ اداکارہ زرین خان نے انکشاف کیا ہے کہ انڈسٹری میں انہیں اداکارہ کترینہ کیف سے موازنہ کرنے پر انہیں تنقید کا سامنا کرنا پڑا۔

بھارتی میڈیا رپورٹس کے مطابق اداکارہ زرین خان نے حالیہ انٹرویو میں کیریئر کے شروعات اور اپنی ڈیبیو فلم ’ویر‘ سے متعلق اظہار خیال کیا۔

اداکارہ کا کہنا تھا کہ فلم ویر کے بعد کی زندگی میرے لیے بہت بری رہی، مجھے اس پر کافی تنقید کا سامنا کرنا پڑا، فلم اتنی بڑی تھی، یہ اب بھی میرے لیے زندگی بدلنے والا لمحہ ہے، شروع میں مجھے بہت خوشی محسوس ہوئی کہ میرا موازنہ کترینہ کیف سے کیا جا رہا ہے۔

انہوں نے کہا کہ کترینہ کیف بہت خوبصورت ہیں لیکن مجھے لگتا ہے کہ انڈسٹری میں میرے لیے چیزیں بالکل برعکس ہوگئیں، میرا وزن بہت زیادہ تھا اور کترینہ کیف سے موازنہ بہت بڑا تھا لیکن اس کا برا اثر ہوا، میں انڈسٹری میں اکیلا پن محسوس کرتی تھی ، انڈسٹری میں  زیادہ تر لوگوں کو نہیں جانتی تھی۔

زرین خان نے بتایا کہ میں صرف پروڈیوسرز اور ہدایت کاروں کے نام جانتی تھی لیکن ان کو چہروں سے نہیں جانتی تھی، اس وجہ سے سب کو لگتا تھا کہ میں مغرور ہوں کیونکہ مجھے سلمان خان نے لانچ کیا۔

زرین نے مزید بتایا کہ مجھے اس قدر تنقید کا سامنا کرنا پڑا تھا کہ ایک وقت ایسا آیا میں اپنے گھر سے نکلنے سے بھی ڈرتی تھی کیونکہ لوگ میرے کپڑوں پر تبصرہ کرتے تھے، میرے وزن پر بولا گیا اس لیے میں گھر سے نہیں نکلتی تھی۔

 

View this post on Instagram

 

A post shared by Zareen Khan (@zareenkhan)

واضح رہے کہ کام کے محاذ پر زرین خان نے آخری مرتبہ 2021 میں فلم ’ہم بھی اکیلے تم بھی اکیلے‘ میں اداکاری کے جوہر دکھائے تھے۔