روہت شرما اور کوہلی کے فیصلے پر شامی حیران

بھارتی فاسٹ بولر محمد شامی نے گزشتہ ماہ بارباڈوس میں بھارت کے T20 ورلڈ کپ جیتنے کے بعد ویرات کوہلی اور روہت شرما کی ریٹائرمنٹ پر تبصرہ کیا ہے۔

یوٹیوب شو میں گفتگو کرتے ہوئے انہوں نے بھارتی بیٹنگ لائن میں ریڑھ کی حیثیت رکھنے والے روہت شرما اور کوہلی کی ریٹائرمنٹ پر حیرانی کا اظہار کیا۔

محمد شامی نے کہا کہ روہت شرما اور ویرات کوہلی کی T20I سے ریٹائرمنٹ ایک جھٹکا تھا وہ ہندوستان کے لیے مضبوط رہے ہیں، شاندار پرفارمنس پیش کرتے ہیں اور وائٹ بال کرکٹ کے بادشاہ کے طور پر اپنے خطابات حاصل کرتے ہیں ان کی بیک وقت ریٹائرمنٹ حیران کن ہے لیکن یہ قدرتی سائیکل کا حصہ ہے جب ایک کھلاڑی چھوڑتا ہے، دوسرا قدم رکھتا ہے۔

محمد شامی نے حال ہی میں ان افواہوں کا ازالہ کیا کہ انہوں نے مبینہ طور پر ہندوستانی ٹینس لیجنڈ ثانیہ مرزا سے شادی کر لی ہے۔ یہ افواہیں پاکستان کے سابق کپتان شعیب ملک سے ثانیہ کی طلاق کے بعد سوشل میڈیا پر سامنے آئیں۔

شامی نے زور دے کر کہا کہ اگر یہ میمز تصدیق شدہ سوشل میڈیا اکاؤنٹس سے شیئر کیے گئے ہوتے تو وہ ان سے براہ راست مخاطب ہوتے لیکن میں ایک بات کہنا چاہوں گا  اگر آپ میں یہ سب باتیں تصدیق شدہ پیچز سے کہنے کی ہمت ہے تو میں جواب دوں گا۔