شاہین آفریدی کس بات پر ناراض ہوگئے؟ وجہ سامنے آگئی

قومی کرکٹر شاہین آفریدی کے ساتھ آئی سی سی ٹی20 ورلڈکپ کیلئے قومی ٹیم کے فوٹو شوٹ کے دوران عجیب واقعہ رونما ہوا۔

شاہین شاہ آفریدی کو فوٹو شوٹ کے دوران پوسٹر کے ہمراہ تصویر کھینچوانے کا کہا گیا تو اس پر ان کے نام کے ساتھ بالر تحریر تھا، جس پر وہ شدید برہم ہوگئے۔

قومی کرکٹر نے شکایت کی کہ میں ایک آل راؤنڈر ہوں، آپ نے میرے نام کے آگے صرف بولر کیوں لکھا ہے؟۔

قومی کرکٹر نے اس عمل کی آئی سی سی کی میڈیا ٹیم کو شکایت درج کروائی۔

دوسری جانب قومی ٹیم کے فاسٹ بولر محمد عامر نے ڈیلاس میں پریس کانفرنس کرتے ہوئے کہا کہ آئی سی سی کا ایونٹ کھیلنا ایک چیلنج ہوتا ہے، ٹورنامنٹ جیتنے آئے ہیں، کوشش ہوگی ہر میچ میں کامیابی حاصل کریں۔

محمد عامر کا کہنا تھا کہ چیلنج قبول کرتے ہوئے اچھا کھیلنے کی کوشش کریں گے، ہرطرح کی صورتحال کیلیے ہمیشہ تیارہوتے ہیں۔

انہوں نے کہا کہ موسم ہمارے کنٹرول میں نہیں ہے،ہم نے اچھی پریکٹس کی ہے،جس کھلاڑی نے پرفارم کیا ہوتا ہے اس کی صلاحیت پر شک نہیں ہونا چاہیے۔

فاسٹ بولر کا کہنا تھا کہ اعظم خان جس طرح کے کھلاڑی ہیں اکیلے میچ جتواسکتے ہیں، ہمیشہ سے مانتا ہوں بطور سینئر کھلاڑی آپ کو اپنا رول قبول کرنا پڑتا ہے۔

پاک امریکا میچ، شائقین کرکٹ کی بڑی تعداد نے ڈیلاس کا رُخ کرلیا

فاسٹ بولر کا مزید کہنا تھا کہ منصوبہ بتا نہیں سکتا لیکن ہمارے پلان تیار ہیں، حارث، شاہین اور نسیم گزشتہ 4 سال سے عمدہ پرفارم کررہے ہیں۔