چہرے پر بالوں والی حیرت انگیز لڑکی : شادی کے بعد کی تصاویر وائرل

چہرے پر بےتحاشا بالوں والی لڑکی بڑی ہوگئی، شادی کے بعد کی نئی تصاویر نے دیکھنے والوں کو مزید حیرت میں ڈال دیا کیونکہ شیو کرنے کے بعد اس کی خوبصورتی کو چار چاند لگ گئے۔

تھائی لینڈ کے شہر بنکاک کی رہائشی 17 سالہ سوپترا سوسوفن انتہائی خوفناک بیماری ’’ایمبراس سنڈروم‘‘ میں مبتلا تھی، جس میں پورا چہرہ اور جسم کسی ریچھ کی مانند بالوں سے بھرجاتے ہیں۔

غیر ملکی خبر رساں ادارے کی رپورٹ کے مطابق سوپترا سوسوفن جسے بچپن میں اس کے کلاس فیلوز اور دوست "بھیڑیا لڑکی” اور "بندر کا چہرہ”رکھنے والی کہہ کر چھیڑا کرتے تھے، تاہم اب اس کا یہ غم کافی حد تک ختم ہوگیا ہے۔

بالآخر اسے اپنی زندگی کی محبت کا پتہ چلا اور اس نے شادی کرلی، 1999میں پیدا ہونے والی سوسوفن کے دنیا میں آنے پر ہی اپنے والدین کے خوف کا سامنا کرنا پڑا۔

پہلے تو انہیں لگا تھا کہ یہ ایک نارمل کیس ہے لیکن جب انہوں نے اسے انکیوبیٹر میں دیکھا تو وہ حیران رہ گئے کہ اس کے سر اور جسم پر کتنے زیادہ بال ہیں۔

 سپراترا کے بال تقریباً اس کے پورے جسم کو ڈھانپے ہوئے تھے اور ڈاکٹروں نے بھی اس جیسا کوئی اور کیس نہیں دیکھا تھا۔

یہ بیماری انتہائی کمیاب ہے اور دنیا بھر میں صرف 50 افراد ہی اس بیماری کا شکار ہیں جس میں بچپن سے صرف ہتھیلیوں اور تلووں کے سوا پورے جسم پر باریک بال نکلنے لگتے ہیں حتیٰ کہ پورا چہرہ بھی بالوں سے بھرجاتا ہے۔

بعد میں ڈاکٹروں کو پتہ چلا کہ نیٹی کو جلد کی ایک بہت ہی نایاب بیماری ہے جسے سینڈروم کہتے ہیں، یہ حالت اتنی غیر معمولی ہے کہ ایک طویل عرصے سے دنیا میں اس کے جیسے صرف 50 کیس درج ہوئے ہیں۔

امبراس سنڈروم جسم کے بالوں کی زیادہ نشوونما کا سبب بنتا ہے جس سے صرف ہتھیلیوں، تلووں اور منہ کے اندرونی حصے کو بچایا جاتا ہے، اور ایسا ممکنہ طور پر ڈی این اے میں اچانک تبدیلی کی وجہ سے ہوتا ہے۔

سترہ سالہ سوسوفن کا نام 2010 میں چہرے پر سب سے زیادہ بالوں کا ریکارڈ رکھنے والی لڑکی کے طور پر سامنے آیا تھا لیزر تھراپی کے ذریعے لڑکی کے اس مرض کا علاج کرنے کی کوشش کی گئی تاہم مرض دور نہ ہوسکا۔

نیٹی نے اپنی اس حقیقت سے سمجھوتہ کرلیا ہے کیونکہ وہ جانتی ہے کہ اس کا مرض لاعلاج ہے، اس نے اپنا چہرہ اس وقت صاف کرایا جب وہ بڑی ہوگئی بعد میں نیٹی نے اپنے بوائے فرینڈ سے شادی کر لی اور سوشل میڈیا پر شوہر کے ساتھ تصاویر بھی شیئر کیں، جس میں اس کا چہرہ بغیر بالوں کے دکھایا گیا ہے۔

اب پہلی بار اس نے بالوں کو صاف کرکے سوشل میڈیا اکاؤنٹ پر اپنے چہرے کی تصاویر شیئر کی ہیں اور ساتھ ہی دنیا کو آگاہ کیا ہے کہ اسے بھی جیون ساتھی مل چکا ہے اور وہ شادی کرچکی ہے۔

نیٹی ایک مثبت زندگی گزارنے اور معاشرے پر ایک خوبصورت اثر ڈالنے کے لیے پرعزم ہے، اس کا کہنا ہے کہ ہر شخص اپنے طریقے سے خوبصورت اور منفرد ہے اور وہ دوسروں کو ان کی انفرادیت کو اپنانے اور ان کی اندرونی خوبصورتی کو نکھارنے کی ترغیب دینا چاہتی ہے۔