آج کے افطار میں چائنیز پکوڑے بنائیں، آسان ترکیب

افطاری میں پکوڑے نہ ہوں ایسا ہو نہیں سکتا کیونکہ گھر کے بڑے اور چھوٹے سب کا کہنا ہے کہ ان کے بغیر افطار ادھورا ہے۔

آج ہم آپ کو پکوڑے بنانے کی ایک نئی ترکیب بتارہے ہیں جنہیں کھا کر اہل خانہ آپ کے گن گانے پر مجبور ہوجائیں گے۔

رمضان اسپیشل میں آج پیش خدمت ہے چائنیز پکوڑے جو آپ کی افطاری کو اور بھی مزیدار اور لذیذ بناد ے۔چائنیز پکوڑے گھر میں بنانے کی آسان ترکیب آپ بھی جانیے

اجزا:

بینگن ….2 عدد

پھول گوبھی۔۔۔۔ چھوٹا پھول

آلو ۔۔۔۔۔۔۔۔۔2 عدد

پیاز ۔۔۔۔۔۔۔۔۔2 عدد

شملہ مرچ۔۔۔۔۔3 عدد

میدہ ۔۔۔۔۔۔۔2کپ

لال مرچ۔۔۔۔ایک چائے کا چمچ

زیرہ پاؤڈر۔۔۔۔ایک چائے کا چمچ

نمک ۔۔۔۔۔۔حسب ذائقہ

لیموں کا جوس ۔۔2 کھانے کے چمچ

پانی ۔۔۔۔۔۔۔ ایک کپ

تیل۔۔۔۔۔۔حسب ضرورت

اجینو موتو۔۔۔۔ایک چائے کا چمچ

ترکیب:

ایک پیالے میں میدہ ،سفید زیرہ نمک لال مرچ لیموں کا جوس اور پانی ملا کر پیسٹ بنالیں ،بینگن کو چھلکوں سمیت چھوٹے کیوبز کی طرح کاٹ لیں ،گوبھی کے پھول الگ کرلیں پیاز اور شملہ مرچ کو بھی باریک کاٹ لیں اب ان سب کٹی سبزیوں پر تھوڑا میدہ چھڑک دیں۔

اس کے بعد ایک فرائنگ پین میں تیل گرم کریں پھر سبزیوں کو پیسٹ میں مکس کرکے تیل میں ڈال کر فرائی کرلیں، مزیدار چایئنز پکوڑے تیار ہیں انہیں اب رمضان کے دسترخوان پر سجائیں۔