چیئرمین پی سی بی سے نیوزی لینڈ بورڈ چیف کی ملاقات، اہم پیش رفت

پاکستان کرکٹ بورڈ کے چیئرمین محسن نقوی سے نیوزی لینڈ کرکٹ ٹیم کے چیف ایگزیکٹو افسر نے ملاقات کی جس میں اہم پیش رفت ہوئی ہے۔

اے آر وائی نیوز کے مطابق چیئرمین پی سی بی محسن نقوسی سے نیوزی لینڈ کرکٹ کے چیف ایگزیکٹو افسر ڈیوڈ وائٹ نے ملاقات کی جس میں دونوں ممالک کے درمیان کرکٹ سیریز کے معاملات اور شیڈول پر تبادلہ خیال کیا گیا۔

پاکستان کرکٹ ٹیم اگلے برس چیمپئنز ٹرافی کے بعد نیوزی لینڈ کا دورہ کرے گی۔ اس دورے میں 5 ٹی ٹوئنٹی اور تین ایک روزہ میچز کھیلے جائیں گے جب کہ چیمپئنر ٹرافی سے قبل کیوی ٹیم سہ فریقی سیریز کھیلنے کے لیے پاکستان کا دورہ کرے گی۔

محسن نقوی نے سیریز کیلیے پاکستان آمد پر نیوزی لینڈ کرکٹ کے سی ای او کا شکریہ ادا کیا اور کہا کہ کیوی کھلاڑیوں کی سیکیورٹی بے حد عزیز ہے اور ان کی حفاظت کے لیے فول پروف سیکیورٹی انتظامات کیے گئے ہیں۔

چیئرمین پی سی بی نے کہا کہ نیوزی لینڈ کے کھلاڑی ہمارے معزز مہمان ہیں اور ان کا خیال رکھنا ہماری ذمے داری ہے۔ میں خود ذاتی طور پر تمام انتظامات اور سیکیورٹی پلان کی مانیٹرنگ کر رہا ہوں۔

اس موقع پر نیوزی لینڈ کرکٹ کے چیف ڈیوڈ وائٹ نے پی سی بی کے سیریز کے لیے انتظامات کو سراہتے ہوئے کہا کہ ہماری ٹیم کے لیے پنڈی اور لاہور میں بہترین انتظامات کیے گئے جن کو دیکھ کر خوشی ہوئی۔

انہوں نے کہا کہ ہماری ٹیم آئندہ سال چیمپئنز ٹرافی سے قبل سہ ملکی سیریز کھیلنے کے لیے پاکستان کا دورہ کرے گی۔

’چائے کیسی تھی کے بعد اب تھپڑ کیسا تھا نیا ٹرینڈ بن گیا‘

اس ملاقات کے دوران چیف آپریٹنگ آفیسر پی سی بی سلمان نصیر، ڈائریکٹر انٹرنیشنل کرکٹ عثمان واہلہ بھی موجود تھے۔